Pertsona jartzen dugu proiektuaren erdigunean. Eta pertsona horri ere bizitzako esparru guztietan bera izaten, bere burua kudeatzen eta autoeratzen lagunduko dion hezkuntza eredua bilatzen dugu.                                                       

PEDAGOGIA

Gizarteko beharrei erantzuten dien proiektu kooperatibo euskalduna da Konfiantzaren Pedagogia. Pedagogi sistema berritzaile honek haurra jartzen du hezkuntza ibilbidearen erdian, eta heldua bidelagun bezala. Gaitasunez beteriko pertsona denez, konfiantzazko testuinguruak eskaintzen dizkiogu, ikas-irakaskuntza prozesua era egokian gerta dadin, umeak bere buruarengan eta besteengan konfiantza izan dezan, eta horrela berezkoak dituen gaitasunak garatu ditzan.

Haurrak garapen kognitiboa, soziala, afektiboa eta psikomotorea egin dezan, gure jardunak ondoko ezaugarriok ditu:

• Manipulazioa
• Esperimentazioa
• Nork bere erritmoan lan egitea
• Ikuspegi integrala
• Senei egoki erantzutea
• Adimen anitzak lantzea
• Erritmo biologiko eta kognitiboak aintzat hartzea
• Komunitatearekin lotura egitea
• Kidetze ezberdinak eta adin nahasketak egitea
• Talde erreferenteetan sendotzea
• Ikaskuntza aktiboa ardatz izatea
• Ebaluazio hezigarria praktikatzea