Lehen Hezkuntza

Lehen Hezkuntza da Haur Hezkuntza osteko etapa, eta 6-12 urte arteko ikasleak hartzen ditu. Etapa honek adin-tarte zabala hartzen duenez, 3 ziklotan banatzen da. Gure ikastolako ikasleek Sakramentinoetan hasten dute etapa berri hau, baina 3. ikasturtean Usabalgo egoitzara aldatzen dira eta han bukatzen dute etapa.

TXANELA PROIEKTUA da Lehen Hezkuntzarako dugun proiektua. Lehen Hezkuntzako zikloen  guztien arteko eta beste etapekiko zubi lanerako pentsatutako curriculum eskaintza koherente, bateratu eta egokia eskaintzen du.

  • Arlo edo ikasgaiak era integratuan lantzen dira. Beraz, Haur Hezkuntzako Urtxintxa proiektuak bezala, Txanela proiektuak ere ikuspegi globalizatua du.
  • Proiektuen bueltan antolatzen dira lantzen diren gaiak, alegia, ikasleek proiektuak eginez ikasten dituzte ikasi beharreko edukiak. Beraz, eginez eta ekinez ikastea bultzatzen du, ikasleek eurek erabakiak hartzen ikas dezaten bultzatuz.