Abenduak 22, Olentzero eta Mari Domingiren bisita izan dugu Sakramentinoetan. Lanez gainezka zebiltzan arren, gure ikasleekin egoteko tartetxo bat atera dute bi protagonistek.

Ikasleek, gogotsu abestu dizkie hainbat kantu gonbidatu berezi hauei. Bestalde, geletan idatzitako gutunak ere eman dizkie Olentzero eta Mari Domingiri. Eta, jakina, hauek ere ez dira esku hutsik etorri. Hamaiketakoa eta gelarako jolasen bat edo beste ekarri dituzte opari gisa.