Sakramentinoetako etxeko berritze lanek aurrera darraite etengabe eta aurrerapena bistakoa da. Alde batetik, barruko instalakuntza orokorrak bukatu dira jada, isolatu eta trasdosatu dira fatxadak. Tabikeriarekin eta barruko bukaera materialekin hastear gaude oriantxe. Bestalde, fatxadatako lanak aurreratuta daude; eraikuntza kanpotik margotu da eta leihoak jarri dira, ikusiko zenutenez. Gainera, errementariak kanpoko eskaileraren egitura nagusia bukatzear daukate eta hasiak dira estalpe-pasabideen egitura montatzen. Azken hilabeteak gelditzen dira, datorren ikasturterako etxe berri-berria eta dotorea izateko.